“Mening g`oyam - eng yaxshi g`oya” ko`rik - tanlovi

21.04.2018

Karmana tumani Xalq ta'limi bo`limiga qarashli umumiy o`rta ta'lim maktablari o`quvchilari o`rtasida “Mening g`oyam - eng yaxshi g`oya” ko`rik - tanlovini o`tkazish yuzasidan tuman xalq ta'limi bo`limining 2018 yil 
18 apreldagi 01-408-sonli chora tadbirlar rejasi tasdiqlanib, barcha ta'lim muassasalariga yetkazildi. 2018 yil 21 aprel kuni 3-umumiy o`rta ta'lim maktabida ko`rik-tanlovning tuman bosqichi o`tkazildi. Tuman bosqichida tumandagi umumiy o`rta ta'lim maktablaridan 52 nafar yosh ixtirochi o`quvchilar o`zlarining texnik ijodkorligi bo`yicha yaratgan ixtirolari bilan ishtirok etishdi. Ko`rik-tanlovning yakuniy natijalariga ko`ra,  tumanning 21-umumiy o`rta ta'lim maktabining  9-sinf o`quvchisi Xaydarov Humoyun faxrli 1-o`ringa sazovor deb topildi. 2-o`rinni 9-umumiy o`rta ta'lim maktabining 9-sinf o`quvchisi Raxmatov Sanjar, 
14-umumiy o`rta ta'lim maktabining 7-sinf o`quvchisi Sayfullayev Abbos egalladi. 3-o`rinni 1-umumiy o`rta ta'lim maktabining 8-sinf o`quvchisi Karimov Nodirbek, 22-umumiy o`rta ta'lim maktabining 4-sinf o`quvchisi Shodiyev Shaxriyor, 26-umumiy o`rta ta'lim maktabining 8-sinf Rustamov Farruxlar qo`lga kiritib xalq ta'limi bo`limining diplom va esdalik sovg`alari bilan taqdirlanishdi.